KINEMOTOGRAFIA DHE ARTI SHQIPTAR

Titulli: Lajme te rralla Fri May 16 2008, 13:29

5 mijë lepuj bllokojnë trafikun në Hungari

HUNGARI – Pesë mijë lepuj kanë bllokuar një autostradë hungareze, pasi kamioni që po i mbante u përplas. Të gjitha kafshët u liruan kur kamioni u përplas me një tjetër automjet dhe u kthye përmbys. Aksidenti i çuditshëm ndodhi në autostradën M1, rruga kryesore që lidh kryeqytetet e Hungarisë dhe Austrisë. Ajo u mbyll për disa orë ndërkohë që autoritetet përpiqeshin të mblidhnin kafshët e lira që vraponin kudo. Rreth 500 lepuj u vranë gjatë aksidentit. Në mesditë, të 4,400 lepujt e shkathët u mblodhën dhe u larguan nga vendngjarja.

Rumani, vendoset taksa e shëndetit për parlamentarët e shëndoshë

RUMANI – Parlamentarët që marrin pjesë në shumë dreka, që sot e tutje do të gjobitem me taksën e shëndetit në Rumani. Por këtë do ta paguajnë vetëm ata që e shtojnë peshën me 50 kilogramë gjatë kohës së tyre në post. Partia opozitare e parashtroi këtë plan pasi pa kolegët që vinin kilogramë të tepërt gjatë drekave dhe darkave pa fund. Propozimi i tij përfshin që të gjithë politikanët të peshohen sapo marrin postin në qeveri. Ata që shëndoshen me 50 kilogram do të shpallen të fajshëm për shkelje të pozicionit të tyre dhe i duhet të paguajnë gjoba. Shkelja do të konsiderohet si përfitim nga posti.

Pirja e duhanit i shpëton jetën kur pema rrëzohet mbi shtëpi

SHBA – Pirja e duhanit i shpëton jetën një gruaja kur ajo doli jashtë për të tymosur një cigare, dhe në ato momente, një pemë 24 metra e lartë u rrëzua mbi shtëpi. Brenda Comer doli jashtë për të ndezur një cigare, ndërsa pema e ahut u shemb mbi kuzhinë në Rock Hill, Karolina e Jugut. Kishte rënë pikërisht mbi lavaman, ku më parë ajo po lante enët, para se të vendoste të bënte një pushim për cigare. Tani ajo ia ka zënë gojën burrit, i cili e kritikonte shpesh për duhanin. Brenda në shtëpi në momentin e shembjes ndodhej edhe vajza 31-vjeçare, por në dhomën tjetër.

Insekti robot do të kryejë operacionet e zemrës

SHBA – Një larvë robot, i cili mund të zvarritet brenda zemrës që pulson, së shpejti do të kryejë operacione jetësore për jetën e njeriut. Shpikja e fundit nga shkencëtarët do të mund të kryejë operacione delikate, disa prej të cilave ishin të pamundura të kryheshin nga dora njerëzore. Ai quhet “Heartlander” dhe është disa centimetra i gjatë. Larva robot do të futet me anë të operacionit, më vonë do ta ngjisë veten në organin me dy këmbët “thithëse”. Ai do të kontrollohet nga një telekomandë dhe mund të përdoret për të injektuar ilaçe apo qetësues përveç të tjerave. Ai është zhvilluar në Universitetin e Pensilvanisë.

Titulli: Re: Lajme te rralla Fri May 16 2008, 13:30

Gruaja më e pasur në Azi, pas vdekjes i lë pasurinë fallxhores

-Nina Vang, e konsideruar si gruaja më e pasur në gjithë azinë, i ka lënë gjithë pasurinë fallxhores së saj.

Miliardaria ekstravagante, e cila vdiq nga kanceri në Hong Kong 69 vjeç, posedonte një pasuri rreth 4,2 miliardë dollarë e fituar me kalimin e viteve.

Por e vetmja trashëgimtare e pasurisë marramendëse është Çan Çun Çuen, fallxhorja e saj besnike 47 vjeçare që rrinte prej kohësh me miliarderen e ndjerë.

Sipas shtypit familjarët kanë hapur gjyq për trashëgimin e pasurisë së Nina Vang.